Apenas seis siman pasa Ministro di Salud di India a declara cu e pais tabata den e fase final di e pandemia di COVID-19. Diabierna India a raporta a di dos dia sigui e cantidad mas grandi di casonan nobo riba un solo dia desde cu e pandemia a cuminsa.
E di dos ola di India, cu a cuminsa memey di maart, a destrui comunidd y hospitalnan di henter e pais. Tur cos ta schaars: cama di unidadnan di ICU, remedi, oxigeno y aparatonan pa hala rosea. E cadavernan ta acumula den e morgue- y crematorionan.
India a informa diabierna di 332.730 caso nobo, e cantidad mas grandi di un dia riba nivel mundial. Merca ta e di dos cu un maximo di 300.310 caso dia 2 di januari.
Segun Organisacion Mundial di Salud, casi 28% di tur e casonan nobo di mundo den e ultimo siman ta bini di India.