GOLFO PERSICO – Shete speedboat di atake Irani tabata envolvi den un encuentro insigur cu USS Firebolt durante fin di siman, caminda cual un embarcacion Irani a detene dilanti di e barco mericano, un funcionario di Defensa di Merca, a revela CNN.
E maniobra provocado, cu riba diasabra, haci pa e boto Irani mas of menos un 90 meter di Firebolt, un boto di patruya costero, cu tin un tripulacion di mas of menos 30 persona, a wordo cualifica pa Merca como insigur y no profesional pasobra por a causa un colision, e oficial a bisa.
A registra 31 encuentro insigur cu embarcacionnan Irani den e Golfo Persico pa loke ta e aña, cu e diferencia di 23 registrado durante henter 2015.
Menos di dos siman pasa, Embarcacionnan di Marina di Merca a wordo acosa den e Golfo Persico pa embarcacionnan di e Guardia Revolucionario Irani, cu a yega na ta 182 meter di e barconan Mericano.
Despues di sigui cu procedimentonan maritimo standard, USS Squall a realisa tres disparo di advertenciap a sigura cu e Iraninan compronde cu nan mester laga e area di inmediato.
General Joseph Votel, di e Comando Central di Merca, a cualifica siman pasa e conducta di Iran como “preocupante.”
“Den dianan reciente, nos tabata testigo di mas actividad provocador di embarcacionnan di Marina y Guardia Revolucionario Israeli. E tipo di comportamento lo ta hopi preocupante y nos ta spera pa wak cu e forsanan naval di Iran ta actua di un forma mas profesional,” el a bisa.
Votal ta kere cu e compartamento “insigur, no profesional” ta un intento di Iran di “eherce su influencia y autoridad den e region.”
Fuente: CNN en Español