Diabierna anochi a tuma luga e apertura oficial di Parke Lisette na Parkietenbos, pa cual director di Serlimar, Sr. Henley Davelaar a dirigi algun palabra pa cu e apertura aki.
E nomber Lisette ta nomber di e unico ser femenino den tur e cabayeronan trahando na Parkietenbos. Serlimar sigur ta contento cue parke aki por carga e nomber aki. Cu hopi honor y respet. E parke aki ta full un iniciativa di e coleganan na Parkietenbos, cu Sr. Rene Rasmijn na cabes. E director ta haya cu esaki sigur ta algo por activo y positivo, ya cu tur loke tin den e parke ta articulonan cu a wordo recicla y reuza. Esey ta dun’e un balor hopi sentimental pa un y tur, pa Aruba completo.
Tur e matanan cu ta dne e parke, ta matanan cu a wordo haya y scoge for di mondinan di Aruba, pa e mesun coleganan. E brug ta recicla door di palonan treci Parkietenbos, como tambe e boto. E piedranan ta bini for di Ser’i Thijsjie. Esey ta duna peso di e vision di Serlimar cu e pueblo di Aruba, cual ta e conscientisacion pa reuza desperdicio. Y e conscientisacion pa recicla tambe. Esey ta un importante pa Serlimar, ya cu esey ta e focus, pa haci e pueblo consciente di con ta haci e desperdicio mas efectivo, door di reuza y recicla.
Tambe Sr. Davelaar a gradici Sra. Lisette, Sr. Rene y famia y tur esunann envolvi den e proyecto. E idea ta pa tur hende bin e parke, y haya un entrada placentero na Parkietenbo. Y tambe den dianan di fiesta, bin saca nan potret, post e ariba e Facebook page di Serlimar. Por tin hopi cos leuk pa haci e entrada na Parkietenbos placentero.
Por ultimo Sr. Davelaar a gradici tur e coleganan di Serlimar pa nan colegialidad y lealtad. Tambe a desea hopi bendicion, y pa pasa di awo caba pa tur coleganan di Serlimar pasa un Felis Dianan di Fiesta.
Tambe Sr. Rasmijn a splica cu e proyecto tabata un idea di tur e coleganan di Serlimar na Parkietenbos, cual a dura sigur 13 siman y mei pa por a traha ariba e parke. Tur e materialnan ta recicla y tabata sigur hopi trabao, y Sr. Rasmijn ta spera cu e parke ta na agrado di e pueblo di Aruba.