Tempo cu mi a cuminsa, tabata 26 aña pasa na Corant Corant. Mi tabata tin apenas 17 aña di edad, caba di gradua for di MAVO, ora cu mi a haya un chens pa drenta den mundo di prensa, uno e tempo ey un mundo desconoci pami. Prome hende cu mi a topa den redaccion ta Maria Els. Ami a conoce como Margarita, cual te dia di awe, mi ta sinti un gran aprecio pe.
Margarita, no solamente mi conoce cu a traha den Corant Corant, pero a traha pa hopi aña na Bon Dia Aruba, como tambe pa otro medionan tras di cortina. Un señora cu semper un sonrisa na su cara y cu un voz sumamente alegre, ta drecha bo beis di biaha.
Na 2012 cu mi a sigui cu mi carera, Maria tabata traha tras di cortina pa Bon di Aruba, haciendo entre otro su noticianan di polis, como tambe pa varios otro medio mas, aunke, cu ya el a retira caba. Pero semper nos tabata tin contacto cun’e, sea telefonico of, durante fiestanan di pasco. Un señora stima pa tur hende cu a siña conoce, sigur el a laga su stempel atras. Un dama cu a sa di forma varios di nos periodistanan cu awe, nos tin cu duna danki na dje, pa e tiki cu el a colabora cu awe nos tur a sali padilanti den nos trabao. Danki Maria, pa bo pasenshi, tin biaha pa bo zundramentonan, pero sin esey, nos no tey awe.
Na famianan di Maria, hopi forsa cu e perdida inmenso, pasobra manera cu e ta mama di su yiunan, e ta nos mama tambe cu a forma nos den e trabao aki.
Maria, “tot kijk”. Nos lo topa bek un dia. Pa awor aki un biaha mas danki pa tur loke bo a haci pa nos.
Lia Tromp