Dialuna 23 di april, tabata un dia historico pa IMSAN. Nan a launch e evenemento pa cuminsa e renobacion y expansion di IMSAN. Esaki ta loke tin 6 aña ta papia di dje y porfin e ta bay bira realidad, unda lo bay traha hunto cu Baptist Health International. Dr. Joel Rajnherc ta amplia.
Ta bay traha e departamento di radioterapia pa cual nos hendenan no mester bay afo mas pa haya bestraling. Ta bay caba e salanan di operacion cu e departamentonan di pre y postoperatie, y lo mehora tur e servicionan cu nan lo bay renoba e servicio cu tin caba. E ampliamento di servicio nifica cu hopi famia lo no mester bay afo mas pa busca nan salud. Pa San Nicolas esaki ta nifica cu lo por brinda hopi mas servicionan pa nan pashentnan cu te awo, tur cos chikito tin cu bay te Playa pa busca nan atencion medico. Eseynan tur ta bay wordo haci un gran mayoria di nan, posibel na IMSAN. Pero tambe lo bay haci operacionnan di wowo, cu te awo tameb tabata bay afo pa wordo haci. A busca un specialista di wowo cu ta bin Aruba na October, November pa reenforsa e grupo y tambe lo bin tres dokter di wowo trahando na Aruba. E inversion cu ta haciendo na IMSAN ta un inversion cu den temporada mas largo ta bay paga su mes bek na Aruba. Pasobra cu e placa ta keda Aruba y tur hende cu ta bula bay afo, pa wak nan ser keri tambe ta keda Aruba pa nan ta keda cerca nan famia.
Pa loke ta e profesionalnan, casi tur ta local. Tur loke no tin y cu ta studiando ainda, ta busca hende di afo, sabiendo cu yiunan di tera lo bin reenforsa nan, den nan trabao, segun director di IMSAN, dr. Joel Rajnherc.