Director di Imsan Joel Rajnherc den un entrevista a duna di conoce cu e servicionan cu Imsan ta brindando ta bayendo den bon direccion, ta purba na mehora y calidad di servicio cu ta duna cu ta e accesibilidad. Ta purba na recudi e tempo di espera pa yega na un specialista y haya tratamento. No ta tur ora ta logra na esaki principalmente den malesanan cronico manera di wowo tin hopi hende na Aruba y no tin suficiente luga pa tanto pashent ainda.
Door di e mehoracion y situacion financiero na Aruba a haya oportunidad pa busca un specialista di wow extra y ta bezig pa haya un, pero mundialmente nan ta hopi dificil pa haya. Ta buscando tambe un especialista di retina pa haci mas operacion na Aruba, sin cu tin mester manda hende den exterior y tambe ta bayendo den bon direccion, e placa t’ey pero mester haya e specialista cu nos mester. Tambe sr Rajnherc a menciona un di dos ekipo cu mester pa haci operacion mes momento tambe a keda financia y ta den proceso traha special pa imsan y ta spera cu pa Juni 2023 ta yega Aruba y asina por amplia servicio.
Servicio na sala di operacion cu ta ser brinda ta bayendo mihor y ta disponibel pa brinda operacion den fin di siman, tin un total di 22 cama unda pashent por drumi y lo ta ampliando esaki mas y mas pashent ta kedando na Imsan. Ta bay remplasa stoelnan bieu den e seccion di dialise pa stoelnan nobo. Honestamente e departamento di saca potret a crece masha hopi den pashentnan cu ta yega y mas ora di servicio pa cada dia.
