Dr Salazar di Departamento Salubridad Publico a remarca e importancia di vacuna cu ta e di dos dosis pa haya proteccion duradero pa bida pa e muchanan unaves cu nan bira imuniom na tur e malesanan prevenibel y lo por evita problema cu salud te hasta morto. E ta un punto importante cu mester trece dilanti, Aruba ta na 95 % di proteccion pero un dosis so no ta suficiente mester mantene na dos pa tres dosis depende di cada vacuna pa haya e proteccion maximal y evita problema di malesanan. Sr Salazar a toca e tema di sarampi cu a surgi na Europa cu ta un continente cu tabata tin un bon programa di vacunacion pero un of otro manera a laga vacuna muchanan y a keda imodium te ora cu aparece e problema di sarampi no solamente pa muchanan pero adulto cu nunca no a haya e vacunacion completo. Sarampi pa e malesa viral cu ta plama y por causa complicacionnan te hasta na morto. For di Europa e malesa aki a bay Merca y e por yega cerca e region di nos e ta un problema clasico, si tabata tin e vacuna manera debe ser no tabata tin e problema. Un 5 % di Aruba no ta vacuna pa un of otro motibo y nos mester pa mayornan tene bon atencion pa e problema aki. Pa Dr Salazar un caso ta hopi pe, y si por vacuna 100 % di e poblacion di e muchanan e ta sigura no lo bay tin problema. Sea si ta hende di afo bin cu e malesa.