E ex-humadonan cu ta uza sigaria electronico of dispositivo di vapeo tin un riesgo significativamente mayor di sufri cancer di pulmon compara cu esunnan cu no ta hacie, segun un investigacion di e Sociedad Toracico di Merca, publica dialuna.
“Esaki t’e prome estudio riba gran escala cu ta demostra e aumento di e riesgo di cancer di pulmon cerca e usuarionan di sigaria electronico despues cu nan stop di huma,” Kim Yeon-wook, profesor adhunto den e Hospital Mayor Bundang di e Universidad Nacional di Seoul, y co-autor di e trabao, a afirma.
Den e investigacio aki, e cientificonan a samina mas di 4,3 miyon di persona cu antecedente di tabakismo convencional, clasificando nan segun nan historial di consumo di tabaco y cambio di custumber. E resultadona a revela cu e ex-humadonan cu a stop di huma cinco aña pasa of mas y uza sigaria electronico tabatin un mayor riesgo di muri door di enfermedad oncologico di pulmon compara cu e ex-humadonan cu no a vape.
Mientrastanto, entre esunnan cu a stop di huma menos di cinco aña pasa, esunnan cu tabata uza sigaria electronico tabata presenta un mayor riesgo tanto di sufri di cancer di pulmon como di muri p’e causa aki compara cu esunnan cu no tabata uza sigaria electronico.
“A demostra cu e sigarianan electronico y e elementonan ta contene composicion di carbon (por ehempel formaldehide, acetaldehide, acroleina y diacetilo) y e metalnan toxico (por ehempel chroom, nikel y chumbo), cu ta cancerigeno y tambe ta presente den e sigarianan convencional,” e autornan di e articulo a conclui.
“E dokternan mester resalta e posibel efectonan dañino di e uzo di sigaria electronico alternativo ora cu nan realisa intervencion pa stop di huma cu e fin di reduci e riesgo di cancer di pulmon,” nan a conseha.
