Monica Pimentel di Impact Taekwondo a avansa cu training cu e speransa cu e Pan American Youth, Cadet & Ultra Championships lo tuma luga despues di vakantie. Kianna Krosendijk, Ingomar Jacobs, Deevah Loefstop, Ayleen van Geene y Alisha van Geene ta e 5 atletanan di Impact Taekwondo cu a clasifica.
Covid-19 a haci cu mundo completo a wordo paralisa y tur evento a wordo cancela. Esaki a haci cu nos no pe grupo no por a representa Aruba. Awo cu Merca a vacuna na gran escala, e camp trainingnan a cuminsa tuma luga. E team ta spera cu por logra competi e aña aki ainda. E atletanan a sigui train pa mantene nan mes activo y pa tene nan mes flexibel. Awo cu gobierno a flexibisa e reglanan pa deporte na Aruba, ta haci cu por train bek na e nivel cu semper a haci esaki.
Cu esaki den mente e team lo sigui prepara pa e metanan pa bin mas duro den 2022. Pa logra metanan lo cuminsa bek cu e actividadnan pa recauda fondo pa asina representa Aruba.