Proximamente na augustus, Heart-Leadership Centered Leadership, dirigi ariba hobennan. Asha Thijsen, Coordinador Hubenil di e fundacion aki, ta splica mas ariba esaki.
E ta un seminario pa hoben, cu duracion di 3 dia. E ta un seminario hopi interactivo, hopi dibertido. E ta traha ariba e desaroyo personal, pero tambe ariba auto-estima, balor, amor propio. Ta duna e hoben e toolsnan pa nan sigui desaroya den nan trayecto den bida. Esaki no tabata posibel sin e proyecto di Pitch Time, unda cu e fundacion tabata den e prome diesnan. E proyecto aki lo no ta posibel sin e sponsor di Marriott, cu ta sponsor Impact Camp.
Pa e Impact Camp, e horario ta di entre 9 or y 30 te cu 4 or y 30, dia 9 te cu 11 di augustus. E ta bay ta na Marriott Ballroom. Costo di participacion ta di 250 florin. Tin posibilidad di pago den varios biaha, pa esunnan cu no por paga esaki den un solo pago.
E ta specialmente pa e hobennan cu ta interesa den e tema, tin paar di hoben actualmente cu tin 13 pa 14 aña cu ta interesa pa participa. Ta purbando di tene cuenta cu e edad pero e ta mas dirigi ariba hobennan di entre 15 pa 21 aña.