E fondo monetario internacional IMF a reduci su pronostico pa e crecemento economico mundial e aña aki , debi na e tensionnan creciente economico y e interes di Merca.
IMF a informa dialuna cu nan ta spera e aña aki e crecemento mundial sea di 3.5 % of un 3.7 % menos cu 2018 y un pronostico di 3.7 % bek pa October 2019
Na momento di revela e pronostico di economia mundial na Switzerland e fondo a pronostica e crecemento di Merca e aña aki sin cambio di 2.5 %. Pero e perspectivanan di crecemento pa 19 pais cu ta usa e placa Euro di 1.6 % pa 1.8 %.
Ta pronostica cu e crecemento di e paisnan den mercado emergente lo bay ta mas slow na un 4.5 % desde e 4.6 % den 2018. IMF ta spera cu e econocmia di China e di dos mas grandi di mundo lo crece cu 6.2% e aña aki cerca di e 6.6 di 2018 cu ta e mas slow desde 1990.
E banco mundial di e organisacion cooperativo y desaroyo mundial tambe a reduci su pronostico di crecemento mundial.
E tensionnan creciente comercial a pone un riesgo grandi pa e economia mundial. Bou presidente Donald Trump di Merca, a pone belastingnan na e importacion, aluminion, hero, y mas producto chines, provocando represaya na China y otro socionan comercial di Merca.
E aumento di e tarifa di interes na Merca y otro partinan tambe a afecta e gobierno di e mercado emergente y e companianan cu a haya prestamonan grandi na momento cu e tarifa tabata sumamente abou den e recion di 2007-2009