ATENAS, Grecia- E directora di Fondo Monetario Internacional (IMF), Christine Lagarde, diamars a ricibi e prome minister Griego, Alexis Tsipiras. Lagarde a alaba e reformanan cu a tuma luga na Grecia, manera reformanan fiscal y di pensionnan. E directora di IMF a reuni dialuna cu Tsipras na Washington, D.C. (Merca).
“Mi ta felicita Tsipras y su pueblo pa e notabel progreso cu Grecia a logra den e implementacion di politicanan dificil, incluso e reformanan reciente di pension y di loonbelasting”, segun Lagarde a bisa den un comunicado.
Den comentarionan breve despues di nan salida for di e reunion, Lagarde a declara cu e institucion cu e ta dirigi recientemente a aproba “un acuerdo di principio nobo pa apoya e programa politico di Grecia. E implementacion firme di e programa aki, hunto cu un acuerdo di alivio di debe cu e socionan Europeo, ta esencial pa apoya e regreso di Grece na un crecemento sostenibel”, agregrando cu tanto su persona como e prome minister Griego ta comprometi pa traha hunto pa logra e obhetivo aki.
Di otro banda, e prome minister Griego a declara cu den e reunion, e cu Lagarde tabata tin e oportunidad di discuti perspectivanan a corto y largo plaso di e economia Griego. El a afirma cu despues di hopi aña di recesion economico, Grecia porfin por a bira e pagina y cu e esfuersonan di e pueblo Griego a cuminsa duna su fruto.
Tsipras a enfatisa tambe cu awo e salida for di e crisis ta algo visibel y cu tin un interes di parti di tur den conclui cu e di tres programa di credito Europeo, mas pronto cu ta posibel.
“Tur hende sa cu den pasado nos tabata tin retrasonan y cu esaki ta debi na e desacuerdo entre e institucionnan”, e presidente di Syriza a bisa, agregando cu e ta kere cu e desacuerdonan aki ya a wordo supera y e ta desea di completa e evaluacion di e di tres programa mas pronto posibel, cual lo permiti e economia Griego di proporciona un periodo di “aire limpi” durante cual tur e partinan por concentra riba debatenan critico riba e condicionnan di e alivio di e debe y establece condicionnan pa un acceso na e mercado cu exito y sostenibel”. El a sigui bisa cu e incertidumbre a baha y cu e recuperacion economico ta fortaleciendo.
Fuente: http://www.elmundo.es/economia