Cabesante di Imelda Kleuterschool, Vanessa Croes a expresa cu nan e ta un satisfaccion hopi grandi di por ta bek na cas den cuadro cu renobacion di Imelda Kleuterschool. E tabata un lucha grandi segun sra. Croes, for di hopi aña caba a bin ta vocifera e situacion na Imelda Kleuterschool. “Nos ta contento cu nos a haya e oido, y cu a traha duro pa asina alumnonan y cada docente por ta bek den un ambiente cu ta brinda e salud na prome lugar, pa asina cada maestro por sigui haci e funcion bunita cu a bin ta haci for di semper”, sra. Croes a expresa.
https://www.facebook.com/masnoticia/videos/426807694973971/
Tin hopi plan na caminda y e scol lo habri actualmente awor cu un proyecto piloto acerca cual nan ta masha agradecido pa e oportunidad di esaki. “Nos ta kere den e desaroyo di alumno na tur momento. E tin derecho riba dje y esey ta locual nos ta yama pa dun’e y brind’e e oportunidad pa desaroya optimalmente na un manera holistico. Pa nos ta un alegria di por t’ey bek”, segun sra. Croes
Tur cos ta cla y operando bon na e scol fuera di un parti chikito segun e cabesante cu ainda falta di caba pero no ta stroba nan di cuminsa traha na e scol. Tin diferente entrada na e scol pa yuda cu e fluho di hende ta cana mas bon y lihe. E proyecto piloto ta encera cu alumnonan prome cu cuater aña por cuminsa scol preparatorio cual ta gradici funcionarionan y SKOA pa e idea y hinca esaki den otro.
Awor tin un total di 6 klas, cada un ta conta cu 27 alumno pues tin un bon averahe di alumno pa funciona cada dia segun e cabesante ta expresa.