Horcan Matthew ta monstruoso y awo tin un imagen monstruoso pa haci’e par. Un imagen siniestro di e horcan Matthew cu ta aparece un cabes di cadaver of manera nan ta yama na Spaño, calavera humano, a bira viral riba internet. E potret di satelite a wordo publica diamars pa e meteorologo principal di e canal Weather Channel Stu Ostro ora cu e horcan tabata tocando tera na Haiti.
Lo mas importante
E imagen a wordo publica diamars y a bira viral.
Ta un imagen di camara infrared pa determina e partinan mas fuerte di e tormenta.
E horcan den su paso a laga morto y desaster na Haiti.
E imagen ta mustra horcan Matthew atrabes di un lens di un cama infrared. El a wordo modifica pa mustra Matthew den colornan apocaliptico cu ta accentua e wowo di horcan y ta revela un especie di dhente cu ta parce esun di e personahe di Ghost Rider of di Grinch, segun algun usuario di Twitter a sugeri.
E ta escalofriante, pero resumiendo, e meteorologo di CNN Judson Jones a splica cu “basicamente e ta mustra asina pasobra cientificonan a uza colornan pa identifica e zonanan mas fuerte di e tormenta.”
Matthew a toca tera diamars na Haiti, lagando den su paso varios morto y herido. Awo e ta na caminda pa Merca, caminda cu varios estado a emiti alerta y a evacua su ciudadanonan. Aunke el a degrada pa categoria 3, ainda e ta wordo considera altamente peligroso.
CNN en Español