Dialuna alredor di 10:10 pm ilegalnan a purbanan suerta un biaha mas. Polis bai cu maximo urgencia na Santo largo unda cu un lancha a drenta y a baha hende riba tera. Polis a logra detene 3 hende homber cu tabata drumi bou di e matanan bon scondi ora a mira polis. Kustwacht a intercepta un lancha no ta conoci si tabata bayendo rumbo bek pa Venezuela pero a detene dos persona ariba e lancha.
Mesora ta cuminsa cu e proceso di investigacion pa wak cuando persona a drenta nos isla ilegalmente. E agentenan policial a puntra e personan deteni cuanto hende a bin cunan abordo y nan contesta tabata “Solamente somos 3”. Polis no a para keto y mesora helicopter a activa y a cuminsa cu e buskeda grandi ariba tera como tambe ariba lama. E radar a logra capta e boto cu a yega na canto.
Un persona di e indocumentadonan cu ta un persona di edad tabata keha di basta dolor y no a keda nada otro pa pidi ambulance presenta na sitio, pa asina brinde asistencia medico. Polis cu buskeda grandi keto bay na e sitio. Diferente departamentonan di polis tabata na e sitio pa asina yuda cu e buskeda grandi bon trabou por bisa di polisnan y tambe di kustwacht.