Diasabra den careda di 3:55 marduga unidad di kust surveillance durante patruya un biaha mas nan a bin topa cu boto na altura di santana di cacho. Di biaha a pidi pa polis maritimo presenta y ayudo di San Nicolas. Durante buskeda den marduga y mainta a bin detene 3 persona ilegal no mucho leu di unda a haya e boto. Polis a bin haya un curpa sin bida no mucho leu di unda a haya e boto y pa 7:15 mainta Dr Texier a constata morto.
No a haya identificacion riba e persona mascilino. Helicopter di kustwacht tambe a yega Aruba y a tene control y durante esaki a señala un curpa sin bida den lama. A trece esaki na tera cu e super rhib y pa 8:45 mainta Dr Texier a constata otro morto cu tambe no a haya identificacion riba dje.
Departamento tecnico a yega na e sitio tambe pa asina haci investigacion. Personal di slachtofferhulp tambe a wordo poni na altura, despues patruya a bin topa cu un persona mas den Seroe Colorado. Personal di Guarda nos Costa tambe a presenta pa tuma e ilegalnan over.