Segun informacion cu a yega na mesa di redaccion di masnoticia.com ta cu tin un investigacion andando na Guarda nos Costa relaciona cu algun ilegal deteni a huy. Ta lamenta con cu awor cu tin un otro director cu cosnan ta sigui pasa den GNC unda prome a keha e maneho anterior y a haci un show cu minister y cu director nobo pero fechorianan ta sigui tuma luga. E dianan ki tras di lomba e director Krammers a manda 5 trahado cas. Nombernan ta conoci na redaccion y un di e trahadonan cu a haya e ‘toegangsontzegging’ ta bodyguard di e minister encarga cu husticia, e homber di fam Maduro. Un investigacion profundo ta tumando luga pa haya sa con e presonan aki a logra di huy for di nan cel pa cu e edificio. Ta sospecha cu lo por tabatin cooperacion of candal cu a keda habri cu a facilita cu e ilegalnan aki a bandona e sitio manera nada un pasa. E biaha aki si no tabatin bochincha cu ta yama polis pa cu e buskeda, pasobra ta un dictator tin na mando ultimamento y e personalnan ta fada.
Te hasta un memo a sali 26 di maart 2021 despues cu e huymento a pasa unda no ta permiti pa usa celular durante ora di trabou. No ta descarta cu e carta cu a sali ta pa e trahadonan durante nan warda ta mas atento na trabou y asina evita mas ilegal ta logra huy, pero investigacion tin cu conduci pa yega na e berdad kico ta pasando den GNC.