Den forma sorpresivo algun persona indocumenta a huy for di e sede di Guarda Nos Costa. Te cu awo no a haya e personanan aki y no ta compronde con nan a logra huy di e forma aki, sin bista.
Informacion ricibi ta mustra cu e ultimo biaha cu a controla e detenidonan tabata prome cu mey anochi. Na momento cu a bay tene e control di mainta, rond di 5’or, a constata cu tabatin un grupo cu a huy. Haciendo un investigacion rapido, a saca afo cu 4 persona deteni na Guarda Nos Costa a logra huy.
Ta parce cu nan a zaag e candalnan y habri porta pa bay for di e sitio.
Probablemente nan a haya ayud pero awo ta investigando si e ayudo ta interno of externo. Di un caminda mester a haya e material pa zaag e candalnan.