LAS VEGAS, Merca- E cantautor Venezolano, Ilan Chester diaranson a ricibi e Premio a la Excelencia di Grammy Latino 2017, den un ceremonia cu a tuma luga den e Hotel Four Seasons di Las Vegas. Esaki tabata forma parti di e actividadnan rond di Latin Grammy Awards.
Su amigo, e tambe musico Yordano a comparti riba su cuenta di Instagram un potret despues di e a ricibi e homenahe.
E Conseho Directivo di e Academia di Musica tambe a celebra Lucecita Benitez, João Bosco, Víctor Heredia, Los Del Río, Guadalupe Pineda y Cuco Valoy lo ricibi e Premio la Excelencia Musical di e aña aki, como tambe Jon Fausty y Lalo Schifrin, como parti di e festividadnan di e Latin Grammy, cual lo wordo entrega diahuebs.
E premio aki ta wordo otorga via votacion door di e Conseho Directivo di e Academia na artistanan cu a realisa contribucionnan creativo di gran importancia artistico den campo di e grabacion durante nan carera.
Fuente: https://www.lapatilla.com