Igualdad Aruba ta lamenta cu ya caba atakenan riba rednan social ta cuminsa. Mester remarca si cu despues cu e amienda a tuma luga, comunidad a calma un tiki y tambe tin entendi di otro partidonan politico cu nan siguidonan tabata opone e amienda aki cu ya entre nan tambe a cuminsa den seno di nan partido, cu mas comprension a wordo duna na e amienda aki, segun Jairo Boekhoudt.
Lastimamente cu esaki a sosode ayera y cu ta wak atrobe un ola di rencor, un ola di descriminacion entre comunidad conservativo y comunidad LGBTI. Igualdad Aruba ta suplica pa por fabor tin cu respeta opinionnan di otro y esaki ta un topico di derechonan humano. No ta un topico di politica. No ta un topico economico. Esaki ta algo cu tin un impacto riba bida di cada un di nos. Igualdad Aruba ta kere, cu a base di informacion y cu a base di comunicacion y dialogo habri por yega na un consenso, por yega na un common ground y establece respet.
E yamada ta pa respeta otro. Ta pidi pueblo di Aruba, den nomber di Igualdad Aruba pa keda respeta otro. Tene un mente habri y cada partido respeta ponencia y custumbernan di otro, segun Jairo Boekhoudt.