New Life Tabernacle ta di fiesta e weekend aki celebrando nan di 15 aniversario!
E lo ta un conferencia titula “As One” caminda diferente iglesianan lo bini hunto pa celebra y gradici Dios pa Su gracia y Su bondad.
For di diabierna 3 di maart di 7 or di anochi pa 9 or y 30 di anochi, diasabra di 7or di anochi pa 9 or y 30 di anochi. Diadomingo di 9 or y 30 di mainta, pa 12or y 30 di merdia. Diferente ministronan lo trece un palabra, entre otro pastoornan;
Patrick Edwards di Circle of Love Ministries, Apostle Gilbert Martes di Iglesia Emmanuel, Apostle Marco Berlis di Celebrations Church, pastoor Ghislaine Grant di Corporate Impact Ministries, pastoor Frank & Jacky Daal di Good Samaritan Christian Center y pastoor Ramphys Tromp di Impacto di Reino.
Pero esey no ta tur. Diadomingo atardi for di 4 or di atardi pa 8 or di anochi, New Life Tabernacle ta sigui celebra cu musica y baile conhunto cu diferente bandanan di diferente iglesianan.
Y tambe pa completa e celebracion, lo tin platonan di diferente nacionalidadnan manera Venezuela, Colombia, Surnam, Filipina, Curaçao, Aruba, Guyana cu lo wordo bendi.
New Life Tabernacle ta extende un invitacion pa henter e pueblo di Aruba. Bini uno binitur, y ban celebra.