Diasabra 28 di April 2018 Iglesia Dios ta Amor situa na Rooi Master 24 ta invita henter pueblo di Aruba , especialmente pueblo di Rooi Master, Cura Cabay Noord y Zuid, Savaneta y Pos Chikito na un servicio di Restauracion di Famia.
Ta visto riba henter nos isla con matrimonio, hogar y especialmente nos hubentud ta pasando den situacion dificil.
E division den famia, a yega na un nivel extremo.
Falta di comunicacion, uso di alcohol y droga, infieldad, rebeldia, ta solamente un paar di situacion cu nos por menciona.
Tur esakinan ta parti di e problema social, cu tin riba henter nos Pais.
Iglesia Dios ta Amor , ta e Iglesia cual Pastor Chico Geerman cu ta den nos feliz memoria tabata pastoria.
E meta di e servicio aki ta pa uni famia, trece amor, y union den cas .
Pasobra e palabra di Dios ta bisa cu caminda tin union, eynan Dios ta derama su bendicion.
Y ta nos tur tin mester di e bendicion aki den nos cas, famia, trabao, negoshi.
Tin hopi hende cu ta malo, y dokter no por compronde nan malesa, pero un di e motibonan ta e falta di pordon cu ra reina den hopi cas.
Nos di Iglesia Dios ta Amor, a prepara e mihor alabansa, y adoracion, pa asina e Spiritu di Dios move den tur curason.
Abo y bo famia ta keda cordialmente invita.Diasabra 28 di April 2018 na Iglesia Dios ta Amor Rooi Master 24. Henter Aruba ta wordu spera, den nos servicio di restauracion di Famia. Nos ta kere Dios pa un bendicion pa bo bida. Salmo 133.