CARACAS, Venezuela- E locutor, bailarin y animador Venezolano, Carmen Victoria Perez, a fayece diasabra 27 di juli ultimo na edad di 78 aña. Segun e versionn oficial duna door di FM Center, emisora caminda e tabata labora, un atake di curason lo tabata e causa di morto.
Su rol mas destaca tabata esun di animador, Perez a comberti den un di e caranan mas emblematico di e famoso concurso Miss Venezuela, cual e tabata presenta cada aña desde e decada di añanan 1980. El a cuminsa presenta e programa hunto e conocido Amador Bendayan y despues cu Gilberto Correa. Anteriormente el a traha como bailarina cu Renny Otolina considera un di e icononan di television Venezolano.
E tabata conoci como “e dama di television” y tambe como “La Flaca”. Su stem pisa y distingui ta un di e seyonan como tambe su elegancia. El a traha den canalnan importante manera Radio Caracas Television y Venevision.
Den e ultimo aki, Carmen Victoria Perez a forma parti di Sabado Sensacional, un di e programanan di trayectorio mas largo di television Venezolano. Den e ultimo añanan el a dedica mas na radio, despues di a laga e pantaya chikito unda cu e tabata haci solamente aparicionnan special manera un homenahe recien na un ex compañero di trabou, Gilberto Correa.
- Latest
