ENTERTAINMENT
PARIS, Francia- Johnny Hallyday, e icono di e rock Frances, a muri diamars, segun e casa di e cantante a comunica na e agencia AFP.
“Johnny Hallyday ya no t’ey mas. Mi ta skirbiendo e palabranan aki sin por kere den nan. Sin embargo, ta berdad, mi homber ya no t’ey mas. El a laga nos di mes manera cu ela biba henter su bida, cu curashi y dignidad”, segun Leticia Hallyday, den su comunicado.
Hallyday tabata e prome cantante Frances pa haci rock’n roll popular den e pais Europeo y el a bende mas di 110 miyon di disco den su carera musical di mas di mey siglo. E musico tabata tin varios luna ta lucha contra di cancer di pulmon.
Johnny Hallyday a cuminsa su carera musical na final di decada di 1950, haciendo versionnan na Frances di canticanan famoso di artistanan manera Elvis Presley, pa cual e tabata conoci como e “Elvis Presley Frances”.
Fuente: https://actualidad.rt.com