CIUDAD DE MEXICO, Mexico- Un hallazgo macabro. E anochi di diamars a ser haya den porta di e oficina di Televisa den e ciudad Mexicano di Guadalajara, Jalisco, un jug cu dos cabes humando y un nota di menasa dirigi na e hefe di polis di e estado, segun e corant. Proceso.
E text, yena cu foutnan gramatical a wordo cita literalmente pa e medio Mexicano: “Jesus Hunberto Boruel Neri, clave 1202, hay te dejo esas cabezas haber si ahora sí haces publico, no como el día domingo 19-11-17 que te lanzamos las granadas y lo ocultaste. Tú sabes que se cumplen los tratos o kieres que te recuerde xq estas en ese puesto y kien te puso hay. C.J.N.G”.
E corant ta señala cu e afkorting riba e papel ta haci referencia na e cartel di Jalisco Nueva Generacion.
Di otro banda, agencia Reuters a raporta den otro puntonan di e ciudad a haya otro jugnan, aunke e biaha aki sin cabes den dje, pero cu un saco cu contenido di supuesto restonan humano cu tabata compaña cu notanan intimidatorio.
E jug cu tabata uza pa mantene boternan friu, tabata compaña cu un nota di menaza dirigi na un hues. Ainda autoridadnan no a revela e contenido di e di tres mensahe haya.
Fuente: https://actualidad.rt.com