CIENCIA
Un buraco grandi y largo, recien descubri, ta kibrando e gletsjer Pine Island, ubica den e Antartica Occidental, segun Live Science a informa.
E buraco, di casi 30 km largo, a wordo descubri pa Stef Lhermitte, profesor asistente na e Departamento de Geociencia y Teledeteccion na Universidad di Tecnologia di Delft despues di a analisa e imagennan satelital di e gletsjer Pine Isle cu e profesor ta ricibi tur dia via email.
E ruptura di e plataforma inmenso di ijs a cuminsa den su centro, unda e ta touch e awanan oceanico mas cayente, cual ta smelt’e, segun Lhermitte a comenta.
E futuro iceberg ainda no a kita full. Sin embargo, segun e cientifico, esaki lo por “sosode relativamente pronto”, debi cu e buraco ta pasa den casi henter e gletsjer. “Mi ta calcula cu esaki lo sosode durante e zomer Antartico”, Lhermitte a bisa. Si e gletsjer cu kibra resulta grandi suficiente, e lo haya un nomber, Lhermitte a agrega.
Segun e profesor, manera cu e ruptura tuma luga, probablemeente ainda e iceberg lo keda gefreeze, e condicion di cu e lo keda colga na e ijs marino di Antartico. Sin embargo, si e coriente oceanico hib’e mas noord, e lo smelt den awanan mas cayente.
E glaciar Pine Island a crea iceberg na januari 2001, november 2007, december 2011, augustus 2015 y september 2017. E futuro iceberg lo ta e di seis.
Cu’n iceberg ta los ta algo normal. Sin embargo, loke ta preocupa mas di e gletsjer Pine Island ta cu e ta bezig ta los cu mas frecuencia cu antes.