Un iceberg cuater biaha mas grandi cu e ciudad di Los Angeles ta a punto di separa for di Antarctica, un grupo di cientifico ta sigura un grupo di cientifico, despues cu e siman aki un kraak cu ya tin varios aña ta habriendo, awo ta casi yega lama. Si e fractura aki concreta, esaki lo converti den un di e blokinan di ijs mas grandi di mundo.
“E ruptura den (e region di) Larsen C probablemente ta hiba nos na un di e icebergnan mas grandi hamas registra,” cientificonan di e Universidad Swansea na Reino Uni a bisa, cu ta monitorea e kibramento di e enorme masa di ijs. Den seis dia, mas of menos 11 miya (17 kilometer) a keda manteni uni na su structura inicial pa menos di 10 miya di ijs.
“Parse cu tin poco pa haci pa evita cu e ijsberg separa completamete,” e universidad a laga sa den un comunicado comparti pa e agencia AFP.
“Nos lo spera pa e sosode hopi rapido, den lapso di dia of siman,” Dan McGrath, un cientifico di US Geological Survey a señala den un entrevista na Reuters.
E bista satelitas realisa pa investigadornan ta mustra cu, ora cu e laga los, e lo midi mas of menos un 1900 miya cuadra (5000 kilometer cuadra), loke e lo converti den un di e 10nan mas grandi cu a keda registra. Desde December di 2016, e cientificonan a alerta riba e aceleracion di crecemento di e brecha.
Cientificonan di NASA a calcula cu na November di 2016 cu e fractura conoci como Larsen C tin mas of menos un 70 miya di largo (113 kilometer), mas di 300 pia di hancho (91 meter) y cerca di un tercio di miya di profundidad.
Larsen C ta e plataforma di ijs cu ta encontra den e zona nort di Antarctica, ademas di esun mas largo. E tin e fluho di glaciarnan menor. Cu e inminente separacion, e lo perde 10% di su area total, reduciendo esaki na e menor tamaño cu hamas e masa di ijs aki a wordo registra.
Investigadornan a sigui pa añanan largo e desprendimento aki, incluso cu “cierto temor” BBC a destaca den un nota. Vooral despues cu na 1995 e plataforma di ijs Larsen A a collapse y na 2002, di forma repentino, Larsen B, cu e tempo ey tabata tin un dimension ekivalente na Rhode Island.
Fuente: http://www.univision.com