IBISA ta presenta nan calender di deporte pa resto di aña escolar 2020-2021

Ayera IBISA a tene un rueda di prensa pa elabora riba algun punto relaciona cu deporte escolar pa 2021.  Edgar Erasmus, miembro di MT di IBISA ta bisa cu ora e pandemia a bini aña pasa na Maart, hopi actividad di deporte escolar mester a wordo posponi of cancela, y asina mester a bira mas despues den aña na unda tabata tin cosnan cu ainda no tabata por, na unda a bira creativo na IBISA y bin cu programa di deporte Online.

A haya participacion di scolnan basico onderwijs y tambe voortgezet onderwijs na unda 17 pa 18 scol a participa den e programa aki Online. Na februari te cu juni 2021 lo tin un calender nobo cual ta e ultimo lunanan pa aña escolar 2020-2021, tur actividad lo ta organisa segun protocol di DVG y IBISA. E idea tambe ta pa bin cu deportenan nobo pa asina por motiva mas muchanan y scolnan pa participa, pa asina inspira e muchanan aki cu participa pa bira miembro di un club deportivo.

Camila Dammers, waarnemend chef di Schoolsport na IBISA cu den tempo dificil aki tog a bini cu algo anto e conoci calender ta cla pa Sali awo. Esaki ta version number seis y shete cual IBISA ta prepara, despues kisas situacion ta cambia y mester ahusta, dus e situacion ta haci e un tiki fastioso dus asina a keda desaroya tur cos te ora a yega na e calender final cu tin awor cu mayoria deporte lo ta den aire liber y por ta lo tin cu haci e den mas grupo of mas dia pa asina acomoda tur muchanan cu kier participa.

Mas cu claro no kier pa tin ningun contagio di corona entre scolnan, p’esey lo limita e weganan y competencia, cumisando prome den sector y despues bay over pa final. Cada actividad lo tin su protocol pa sigui y tambe ta di remarca cu kleuterschool no lo tin actividad, pero algun si lo por participa den e Kids Run. Pa otro aña escolar lo tin un programa pa kleuterschool completo dedica na nan enfoca mas riba e parti di participacion enbes di competetivo.

Por bay riba e facebook di IBISA y mira e programanan/actividadnan y pa mas informacion por manda un email riba [email protected] riba tocante cualkier pregunta riba categorianan di actividadnan etc.

Comments

comments