Instructornan di Deporte encarga cu instruccion di deporte na scol hunto cu Departamento di ‘Schoolsport en Recreatie’ di IBiSA a sigui un curso di EHBO cu a wordo duna pa sr. Eric Gomes. E curso a encera diferente tecnica nobo di asistencia den prome auxilio, como tambe a trata situacionnan cu por surgi durante cu e instructor ta eherce su trabou na scol.
E tema aki ta hopi importante, mirando cu e instructornan ta traha cu mucha y como tal IBiSA ta scoge pa keda informa y prepara tur instructor riba e tereno aki. Den caso cu cualkier eventualidad presenta, e instructor sa con pa atende cu e situacion. Ta importante pa e
instructornan sigui duna e miho servicio y asistencia na scol.
Despues di e curso tur participante a ricibi nan certificado di EHBO y a keda contento cu e conocemento riba e tereno di EHBO y ta bon prepara pa pone den practica e enseñansa adkiri. IBiSA ta felicita tur instructor y tambe demas colega di ‘Schoolsport en Recreatie’ cu nan certificado di EHBO. E curso tabata posibel door di e cooperacion mutuo di ASU y IBiSA.