Hopi hende no sa kico ta bon pa come y bebe y pesey e meta di IBiSA e aña aki ta bay saca mas informacion educativo pa por logra esaki segun Sra. Iraida Theysen, hefe di seccion di Salud di IBiSA ta splica.
Nan ta trahando ariba un proposicion di proyecto, pa bay cu e booklet aki pa tur scol di Aruba. Pa splica na e maestronan kico precies ta un cuminda saludabel, y duna nan tools pa nan transforma of duna e muchanan e informacion aki, paso nan ta e siguiente generacion.
Hopi biaha pa haci cambio den comportacion den hende grandi ta dificil. Cerca un mucha e ta bay hopi mas facil. Si nos por comunica cu e mayornan ariba esaki, traha hunto cu e scol y e publico en general, hunto cu e mayornan lo por guia e muchanan mas miho pa hiba un bida mas saludabel.
Sra. Theysen a splica cu IBiSA ta trahando un plan, sigur nan a haya diferente foyeto tambe pa diferente grupo. Pa un mucha e cantidad cu e mester come ta diferente for di un persona 65+. Departamento cu Salud, hunto cu plataforma a traha e foyetonan y awo ta bezig ta pensa con ta bay implementa of hiba e informacion aya ‘fo.