Durante luna di december pa ser specifico ariba 19 pa 21 di december ta bay tin un Adventure Camp specialmente pa hobennan di edad di 13 pa 17 aña.
E camp aki ta wordo organisa y dirigi dor di e profesionalnan di IBiSA.
3 dia di aventura den naturalesa caminda cu nan lo bay cana den parke Arikok, conociendo mas di naturalesa y historia. Sigui pa un tremendo hike den awanan di Mangel Halto y di 3 dia cu weganan di memoria.
Tin lugar pa 30 hoben participa. E costo pa tur 3 dia ta 50 florin cual ta inclui refreshment y cuminda cayente. Si bo yiu ta vegetariano of tin un dieta special, ya pidi pa lag’e bay cu su cuminda. Registracion ta wordo haci online y mester pasa paga na oficinanan di IBiSA pa bo participacion ta confirma.
Ta pidi pa tur participante bay comodo bisti pa cana den naturalesa y cu keds cu por susha sin problema.