Pa cada siman IBISA lo ta compartiendo tips pa ‘Boost bo defensa’. E siman aki ta come saludabel. Sra. Iraida Thijzen di IBISA ta bisa cu na e momentonan aki ta bon pa tin defensa halto, mirando e temporada di yobida y e situacion di Covid-19.
Sra. Thijzen ta bisa cu e sistema inmuno ta importante pa e motibo aki mester come saludabel. “En principio tur vitamine y mineral cu tin pa hisa bo sistema y funciona optimal. Bebe hopi awa, come berdura y fruta cu tin hopi beneficio na dje”, e ta remarca.
E ta bisa mester tene na cuenta na e parti saludabel pero tambe no huma, no bebe alcohol y evita di come producto procesa. Sra. Thijzen ta bisa cu pa cada cambio chikito cu cada hende haci ta yuda manera bebe menos juice y mas awa.
Aki e ta laga tips:
- Bebe 7 pa 8 glas
- Enfoca di come berdura varia
- Come dos fruta diferente pa dia
- Escohe pa grano completo, boonchi, noten y simiya.
- Come pisca 2 bes pa siman
- Evita producto procesa, hopi sucu, salo y vet.
