IASA ta haya 3 Ford Figo nobo nobo

Durante un conferencia di prensa directora di IASA, Elizabeth Pope a duna informacion riba e cantidad di autonan cu nan a ricib. Sra. Pope a duna di conoce cu nan ta hopi contento cu e tres autonan nobo cu nan a ricibi y esakinan ta di marca Ford di Yrausquin & Sons y ta sigur di e bon calidad di esakinan. Sigur IASA lo bai haci bon usa di esakinan. Un di esakinan lo bai na Barcadera, uno na aeropuerto y uno lo keda na oficina di administratie den Vondelaan. Sra. Pope a bisa di ta masha gradecido na Minister Andin Bikker tambe pa a haci esaki posibel. Y tambe gradicido na Yrausquin & Sons pa nan bon servicio. Di otro banda, Minister di Husticia, mr. Andin Bikker kier a gradici Yrausquin & Sons pa haya e oportunidad pa haya e tres autonan aki y esaki ta den cuadro di e maneho di Gabinete Wever-Croes cu constantemente ta pone e ser humano central. Y cu esaki tambe ta di duna tur esnan cu mester di ekipo nobo pa reemplaza esnan bieuw p’asina nan por haci e trabao cu pueblo ta expect di e departamentonan pa nan por haya esakinan tambe. Y gobierno tin dos aña sinta caminda cu a percura pa diferente departamentonan haya ekiponan nobo entre otro vehiculonan y varios di nan ta di Yrausquin & Sons y Gobierno ta hopi contento cu tur servicio cu e ta hayando y e departamento ta hopi contento tambe di haya ekiponan nobo. Pues e ta cu sumo placer cu ta haya e tres vehiculonan aki, den e caso aki IASA a haya tres vehiculo y asina Gobierno ta hopi gradici. Di parti di Yrausquin & Sons, Sra. Christina Yrausquin kier a gradici Gobierno pa scohe nan pa entrega e tres Ford Figo aki na IASA. For di aña pasa caba e proceso a cuminza caminda empleadonan di IASA a bin test drive e Ford Figo aki y mescos nan a test drive otro marcanan. Yrausquin & Sons e ora a gana e aanbesteeding pa haci entrega di e tres Ford Figo 2020 aki na IASA. E Ford Figo ta bini cu un motor 1.5 liter 3 cylinder y cu un transmision nobo tambe compara cu e modelo anterior cu ta haci cu e lo bai ta un auto cu hopi economico den consumo di gasolin y su mantenimento ta hopi abao cu solamente dos pa aña.

Comments

comments