Marta Raven di Hyatt Place durante entrevista a duna di conoce cu e concepto di e hotel lo ta un select service hotel y ta un hotel cu lo bay tin e servicio personalisa mescos ora bo yega na un cas di famia y e famia ta atendebo, y aki lo bay tin un persona lo ricibi e bishitante te check in. E lo ta un hotel cu bo ta hayabo cu hendenan lo bin di dos pa tres dia haci nan negoshi y bay. Esaki ta debi na e cercania di airport ta hacie mas facil cu nan por bay bin y areanan bunita pa turistanan y lo tin un pool, gym y nos ta situa mei mei di e isla practicamente sra Raven a duna di conoce. E cambernan ta amplio bo ta bin pa corporativo y bo tin sofa, mesa y un cama amplio, cu un total di 116 camber y alrededor di 30 personal trahando na e hotel.