Husticia pa nos grandinan ta e lema e aña’ki di Nacionnan Uni pa conscientisa mundo riba e malesa Alzheimer.
E situacion na Aruba no ta diferente cu resto di mundo, solamente cu aki personanan di riba 65 aña cu tin un of otro descapacidad ta esnan mas fragil den e sistema di salubridad. E situacion di pandemia a empeora e circunstancianan pa e grupo aki, cu no ta haya e debido atencion.
Melva Yanez ta bisa cu e no ta culpa ningun hende, pero e situacion di e pandemia a trece cu ne cu den cierto momento y casonan ta dicidi si un hende grandi ta sigui biba of ta scoge pa uno mas hoben. “Bo por bisa cu esey ta un regal di naturalesa, pero no ta un regal cu por mira como normal. Un persona di 65 aña bay ariba tin derecho riba un bida normal manera cualkier otro persona. No por tin descriminacion. Den hopi cos, den comercio y turismo no ta tene cuenta cu nos grandinan.”
Aruba mes no ta ekipo of atencion pa personanan grandi y cu un descapacidad. Esaki ta algo cu turistanan tambe ta sinti falta did je. E ta algo cu e fundacion di Alzheimer a yega di trece na conocemento di gobiernonan na diferente occasion. No mester lubida cu cada biaha e grupo di personanan grandi ta sigui crece. Na aña 2050 e lo ta tres biaha mas grandi cu aworaki. E grupo di 80 aña lo ta hopi grandi.
Hopi derecho di grandinan ta wordo viola y nan no ta haya e debido atencion. Ta duna nan pildo pa drumi, pasobra nan no ta drumi of ta bisti nan bruki henter dia. Esaki ta causa cu nan ta keda hopi cu esaki bisti y no ta sigui train nan musculonan. E ta haci cu nan situacion ta bay hopi mas atras. P’esey mester bini mas conscientisacion cu e grandinan merece miho. “No ta tur cos ta normal,” el a bisa refiriendo na loke ta wordo haci of no ta wordo haci pa e grandinan. Tin hopi cosnan chikito cu no tin suficiente personal cu tempo pa atende cu e grandinan.
El a duna ehempel di Spaña unda cu e situacion ta adapta pa honra e grandinan den nan tercer edad. Parti salud y recreacion, cu ta duna nan hopi mas atencion.