MADRID, Spaña – E corant El Confidencial di Spaña a informa diabierna cu husticia di e pais aki a habri un investigacion contra e futbolista Colombiano Radamel Falcao Garcia pa presunto fraude fiscal.
Segun e medio di comunicacion, e artillero Samario no a declara dilanti e cartera di Hacienda su ingresonan pa concepto di derechonan di imagen.
E investigacion periodistico ta indica cu Falcao a dirigi su ingreso na sociedadnan den exterior cu e obhetivo di paga e respectivo impuestonan na fisco Español.
E supuesto delito lo a wordo cometi entre 2011 y 2013 ora cu e Colombiano a hunga den Atletico di Madrid.
Otro futbolistanan di e taya di Lionel Messi, Javier Mascherano y Samuel Eto’o ya a wordo husga y condena tras di e awordo declara culpabel pa e delito aki.
Fuente: NTN24