BRASILIA, Brazil- E ex presidente di Brazil, Luiz Inacion Lula da Silva tin prohibicion pa sali di e pais, door cu e lo “por huy”.
Ricardo Leite, huez federal di Brasilia, a duna orden di retencion di e passpoort di ex mandatario, segun O Globo. E medida a wordo notifica na Lula na su cas, “pa evita e limitacionnan”, segun un comunicado oficial.
E medida a wordo tuma despues cu Lula a anuncia su precandidatura pa presidencia na Sao Paolo. E ex presidente ta wordo investiga pa presunto soborno na un compania Suizo, cu e proposito di wordo favoreci den e compra dio avionnan di cazeria.
Ministerio Publico a pidi e retencion di e passpoort di Lula bou di e argumento di cu tin “posibilidad di huy” pa e causanan cu e tin habri cu husticia y e ratificacion di un condena den di dos instancia cu a wordo dicta contra dje e siman aki.
E sentencia ratifica pa un tribunal tabata pa un supuesto aceptacion di un apartamento luhoso, ubica den e Condominio Solaris na Guaruja, a cambio di duna privilegio na un empresa den contratonan cu e compania estatal Petrobras. Sin embargo, durante e proceso hudicial no por a logra prueba cu Lula ta e propietario ni cual tabata e acto di omision cual a habri caminda pa e delito di “corupcion pasivo”. E sentencia mester wordo ratifica pa e Tribunal Electoral.