Hunto cu Stichting “JA IK” Aruba: Aruba Bank inspirando studiantenan di HAVO

Aruba Bank a yama bon bini na un grupo di studiantenan di HAVO cu a bishita nan sucursal principal na Camacuri hunto cu Stichting “JA IK” Aruba. E tour di inspiracion tin como meta pa yuda orienta e studiante riba tereno laboral y duna training di experencia di trabou. Durante di nan bishita e studiantenan a ricibi varios presentacion di e diferente ocupacion den banco y a crea casonan p’e studiantenan cu a culmina den intercambio entre e studiante y e representantenan di banco na un manera interactivo. A toca tema tambe riba e postura di e empleado na trabou, cu ta inclui e comportacion, actitud y habilidad. E tour di inspiracion ta duna un bista real riba oportunidadnan cu e studiante tin na Aruba pa haña training practico via “stage” y of un trabou complimentario. Aruba Bank ta desea tur studiante exito den futuro.

Comments

comments