Minister Otmar Oduber lo bay wak cu mas desaroyonan positivo cu ta bay pasa cu Serlimar y e problema di dump cu sigur tin hopi hende pa añas ta wardando pa un solucion. E mandatario ta elabora ariba e tema aki.
Tin diferente proyectonan, e.o. e proyecto di Bestuurskantoor mes. Den pasado tur hende a bisa cu e ta un monumento, pero no a haci inversionan pa rescata esaki. Enberdad, ora ta papia di Monumento y ta papia di costonan halto. Pero Bestuurskantoor a yega na un estado, cu el a wordo afgekeurd y hende no por traha eyden, door di e sistema di electricidad y structural. Cierto partinan el a hasta bira peligroso. A tuma un decision e ora, y esey ta e trabao grandi cu ta tumando luga, hunto cu DOW, contratistanan, pa ainda prome cu fin di aña aki, por logra gun e proyecto aki, pa por logra rescata den e aña binidero, cu lo dura 8 pa 10 luna, pa haci esaki y drech’e pa e ta safe pa tur hende cu ta traha eyden.
Tambe lo cuminsa traha ariba e fachada di Bestuurskantoor cual lo wordo restaura den su forma original. E ta un cambio den infrastructura, ta perde espacio, pero cu gobierno a prefera di mantene un sitio asina importante, caminda gobernacion ta tuma luga. Pero den cuadro di su maneho tempo e tabata e minister encarga cu monumento, cual hopi a wordo rescata.
Den e desaroyo infrastructural, mester tene esaki den consideracion, mescos cu edio ambiente. Cierto momento, lo wak cu mas y mal lo ta poniendo enfasis ariba e aspecto di medio ambiente. E minister lo reuni cu’n grupo grandi pa loke ta trata Parkietenbos y henter e maneho di esaki, segun e mandatario a finaliza bisando.