Budapest, HUNGRIA- Pa fin di Mei, Hungria lo tin un di dos heki na e frontera cu Serbia cla. Esaki ta un heki contra imigrante y lo mester wanta un eventual fluho di refugiadonan for di Turkia. Esaki e Prome Minister Viktor Orban a declara na radio estatal diabierna.
Segun Orban, ta fout di Union Europa pa confia cu Turkia lo stop e refugiadonan. “E no ta un bon idea pa laga nos siguridad den man di e Turconan”, segun Orban. “Na mes momento nos lo keda critica y atacanan door cu nan no ta suficientemente democratico y ta busca conflicto cu nan”.
Na 2015 Hungria tabata den e centro di e crisis di refugiado. Riba un base diario tabata yega miles di refugiadonan den e pais y e principal station di trein a wordo comberti den un campo di refugiado. Orban a stop e fluho door di a traha un heki na e frontera cu Serbia.
Fuente: ANP