Humphrey Tromp, director financiero di APA a splica mas riba e cifranan cu awo tin mas oficial, pa loke ta e crecemento di turismo crucero. El a splica cu hunto cu ATA, APA a pasa door di locual ta e cifranan te cu awor aki y tambe kico ta proyecta den e tres lunanan cu a pasa. Tambe ta wak reservacionnan cu tin pa 2017, 2018 y 2019.
Pasando den 2017, a consulta cu agencianan, pa cual di nan ta haya e confirmacionnan pa sa cu loke tin awor aki ta acuraat. A bin ripara cu pa 2017, aunke cu sa cu tabata bin, pero tabata cauteloso pa saca e cifra, pa motibo cu kier ta sigur cu tur locual cu tin awor aki ta biniendo, semper y cuando cosnan por pasa.
Por haya un cancelacion, pero no ta den nan man.
Loke a bin ta haci den e ultimo aña, hunto cu ministerio di turismo y ATA, na momento cu a muda e departamento di carga pa Barcadera, a crea un espacio adicional den high season, unda cu den pasado tabata nenga algun barco pa motibo cu tin cu para e barco na parti di carga y ciendo cu esey ta e main source pa APA na e momento ey. Awor aki, cu e ta disponibel, a wak cu door cu e ta bin extra, ta hayando awor aki pa 2017, tin proyecta, yegando 750 mil turista. Esey ta basa riba un capacidad cu no a coye. Ta wak por ehempel Carnival ta surpasa hopi biaha cu e ta yega, surpasa e capacidad di 100%, sigur cu e ta pase. Pero a mantene esey como buffer.
Loke a nota ta cu hopi barco ta shift den Low Season, pa prome biaha ta mira tur luna di Mei pa September, unda cu tur luna tin mas cu 10 barco crucero aden, esta double digits, cual no tabata e caso den pasado y sigur no tur luna.
Aki tambe por mira un efecto caminda cu e barconan ta bin den low season, creando espacio pa barconan cu ta trahando riba nan.
Ta concentra riba parti di Europa, y no depende riba un solo mercado. Awor ta mira Tui cu ta bin cu extra calls. Tin Britannia, cu ta biniendo adicional. Tur eseynan ta yuda cu awor aki por bisa cu pa aña 2017, lo bay ta un aña super. 2013 tabata record, 2016, pa motibo di e cancelacionnan na ultimo cu Pullmantur a haci, a bisa cu no ta bay yega na 650 mil, pero sigur sigur lo surpasa esey pa 2017.