Despues cu e barco Melbourne strait V-17 no por a drenta waf di Barcadera diamars, pa motibo di falta di espacio, esaki a logra drenta diahuebs.
Pero ASTEC ta bin cu otro sorpresa, caminda cu, e biaha aki nan ta culpa e huma di WEB di ta strobanan di traha. Pregunta ta keda: awo numa ASTEC a ripara cu WEB ta ey pariba mes y como cualkier planta den operacion, ta normal cu e ta saca huma.
Cada biaha ta bin cu’n excuse nobo pa tapa nan mesun ineficiencia. Ora cu a kere cu porfin lo por descarga, a bin resulta cu e huma di WEB ta esun cu ta strobanan, pa cual cu e barco no por wordo descarga.
E problema na ASTEC no ta di awo.Pero gerencia ta sigui hunga politica di avestruz cu e situacion aki. Gerencia no ta realisa cu pais Aruba su economia ta den wega akinan? Comerciantenan ta fada caba di e situacion aki. E situacion ariba waf di Barcadera ta un ‘ticking timebomb’
Nos di Masnoticia lo sigui e desaroyonan na ASTEC di cerca.