AMSTERDAM/WASHINGTON- Polis Hulandes y autoridadnan Mericano kier tin acceso pa database cu vingerprint. Esaki a wordo confirma door di un vocero di polis despues di e publicacion di Trouw.
Na e manera aki tambe polisnan lo haya acceso na vingerprint di 210 miyon persona. Ta trata di vingerprint di 70 miyon criminal cu ta den e database di FBI y e datonan di e departamento di Visa Mericano, di 140 miyon bishitante.
A cambio, sistemanan Mericano lo haya acceso na database Hulandes di convicto y sospechosonan. Eyden tin vingerprint di 1.3 miyon persona.
Desaroyo importante
Den Trouw e director di e unidad policial Centrum voor Biometerie ta papia di un “desaroyo importante”, aunke no a papia di e cantidad di extra sospechosonan cu lo por wordo gara di e manera aki. “Ta un punto ciego, nunca nos a haci algo asina ariba gran escala”, e ta bisa den e corant.
Hulanda si por haya acceso caba na e vingerprint Mericano, pero esaki ta bay via un procedura fastioso: pa persona, via un solicitud di asistencia huridico.
Merca no ta e prome pais caminda cu Hulanda ta comparti e sistema di vingerprint: den un total di binti pais Europeo ta comparti vingerprint cu otro.