Hulanda ta number cuater awor tras di Singapore, Merca y Hong Kong. Loke ta posiciona Hulanda na e puesto ta e simplesa di por establece un compania segun Professor Henk Volberda cu a traha riba e lista. Hulanda tin hopi compania cu ta crece rapido cu ta innovativo tambe, tambe Hulanda tin un bon infrastructura. Den enseñansa na Hulanda tin hopi atencion pa haci negoshi no solamente na universidad nan pero tambe den enseñansa secundario, segun Wereld Economisch Forum WEF. Profesor Volberda ta positivamente sorprendi cu e puesto nobo di Hulanda riba e lista di economianan di mundo, el a spera number seis, pero el a bira number cuater. Hulanda ta probecha di finansa stabiel di gobierno y institutonan fuerte manera corte independiente y no lubida e calidad di populacion laboral nan ta bon studia, pero tin punto nan suak tambe. Hulanda ta score pober riba innovacion riba termino largo. Invershonnan den investigacion, ICT y desaroyonan tecnologico ta cana atras riba e invershonnan den paisnan manera Alemania, Suisa y Merca. Asina tin peliger cu Hulanda ta perde conocemento di tecnologianan importante manera inteligencia artificial, Hulanda ta duna 2% di su producto nacional na research y desaroyo. Alemania ta inverti 3%. Secretario di estado Mona Keijzer (Asuntonan Economico y Clima) ta contento pasobra e rapport ta indica cu economia Hulandes a bira mas dinamico y cu maneho economico y companianan di innovacion ta di clase mundial ta bon estimulo pa empresarionan, nan trahado nan y institutonan di conocemento. Pero mester keda inverti den innovacion pa manteni e posicion top y tene empleonan, entradanan na nivel. Asociacion di empresarionan VNO-NCW y MKB tambe ta papia di un momento precioso cu nan ta orguyoso di dje.