DEN HAAG, Hulanda – E propuesta di e Gobierno Hulandes na Parlamento riba un ley cu ta otorga e derecho di eutanasia, na personanan cu, aunke nan no ta enfermo, ta sinti cu “ya nan no tin mas perspectiva den bida” y “a desaroya un deso di muri persistente y activo,” a genera un debate publico den e pais.
E propuesta di parti di e minister di Salubridad, Edith Schippers y di e minister di Husticia, Ard van der Steur.
Ambos a remiti un misivo conhunto na Tweede Kamer caminda cu nan ta pidi pa amplia esaki caminda cu por aplica eutanasia, despenalisa na Hulanda desde 2002, loke a lanta e polemica teniendo na cuenta e antecedentenan di e propuesto.
Gobierno di coalicion Hulandes a solicita na 2014 un informe na un comite di specialista cu ta na encargo di balora e viabilidad legal y e dilemanan social cu lo por supone di despenalisa suicidio asisti na personanan cu ta pensa cu “nan bida ta completo.”
Tras un intenso investigacion di dos aña, e ocmite a emiti su conclusion: “no ta deseabel” expande e posibilidadnan legal pa suicidio asisti, pasobra e actual marco huridico “ta suficiente.”
Actualmente, un pashent tin cu cumpli cierto rekisito pa solicita pa e eutanasia, entre loke ta encontra por lo menos dos medico pa confirma cu e enfermo ta padece di un sufrimento inaguantabel y sin perspectiva di mehoracion.
E ministernan a gradici e trabao di e comite, pero a rechasa su resolucion final, ya cu nan ta pensa cu e ley actual ta keda cortico pasbra tin un limitacion importante, como cu ta suicidio asisti tin cu basa nan mes den fundamentonan facultativo.
Segun Gobierno, tambe tin hende cu ta desea di caba cu nan bida y ta padece un “sufrimento inaguantabel” sin un “base medico.”
E responsabelnan Gubernamental ta señala concretamente na ancianonan cu ta sufri pa perdida di “nan sernan keri” of di “contactonan significativo”, teniendo como resultado “fatiga” y “apatia.”
Pa e rason aki, e ley nobo solamente lo ta aplicabel na personanan mayor, aunke e ministernan no a aclarea ki edad minimo lo mester tin pa acoge e propuesta aki.
“Tin hende cu pa cda dia cu pasa, ta uno mas en espera di morto. E personanan aki ta puntra con nan por pone fin na nan bida di un manera digno,” e ministernan ta mantene, dado na conoce atrabes di e website di Gobierno Hulandes.
E ley nobo aki ta supone cu e creacion di un profesion nobo, un especie di “orientador” social cu experiencia riba campo di Medicina cu ta evalua e solicitud di suicidio asisti.
E demandante lo ta obliga pa pone por escrito cu e ta desea di caba cu su bida y e orientador entrevistanan pa confirma cu su sufrimento ta inaguantabel, por lo menos un di e personanan en persona y sin presencia di su famianan.
E aplicacion di eutanasia no lo ta automatico, sino cu e ta wordo practica posteriormente den un tempo ainda no determina y tras supervision di e caso pa un di dos experto specialisa.
Si ta detecta cu e solicitud ta debena problemanan medico tratabel, “otro alternativanan lo wordo explora,” segun e ministernan.
Den caso cu e demandante ricibi luz berde, e lo obtene un prescripcion cu e receta di medicina cu lo caba cu su bida, logrando pa haya esaki na un botica, mientras cu famianan, si nan ta desea, por ta presente den e ultimo momentonan di nan ser keri.
E propuesta lo wordo analisa pa Parlamento otro aña, pero na Maart di 2017, lo tuma luga eleccion na Hulanda, di forma cu e lo ta den man di e ehecutivo nobo pa aprob’e of rechas’e.
Cu e actual composicion di Tweede Kamer, a priori, e ley lo wordo eleva, dado cu e dos partidonan di e gran coalicion gobernante, e socialdemocrata PvdA y e liberal VVD di e prome minister Mark Rutte, a pronuncia na fabor y teniendo na cuenta cu tambe e social liberalnan D66 ta apoya esaki.
En contra ta e dos partidonan principal di oposicion, e socialista SP y e democristiano CDA, cada un pa diferente rason.
E prome relaciona cu e propuesta cu medidanan di austeridad impulsa pa gobierno, caminda cu tanto e democristianonan, di nan banda, no ta compronde dicon Gobierno no a sigui e conseho di e comite di experto, cu a descanta pa mantene e actual marco legal manera e ta awor aki.
Fuente: EFE News