DEN HELDER, Hulanda – Hulanda lo manda e Joint Logistic Support Ship, Zr.Ms. Karel Doorman pa e region di Caribe, pa asina brinda sosten na e paisnan di reino cu a sufri door di horcan Irma. E barco lo wordo poni primariamente pa transporte maritimo strategico di material y articulonan di ayudo.
Karel Doorman pa e motibo eynan lo para cu su entrenamento internacional Northern Coast den Oostzee. E boto aki na e momentonan aki lo ta bayendo Den Helder, caminda cu lo yega, segun planea pa diabierna mainta.
E materialnan cu na e momentonan aki ta abordo pa entrenamento, lo wordo descarga y articulonan di prome necesidad y ayudo lo wordo subi abordo. Segun e planeamento actual riba 20 di September proximo, Karel Doorman lo sali pa Sint Maarten, caminda cu e lo yega mas of menos dos siman despues.
Ehercito Hulandes a pone 100 militar disponibel pa esaki. Nan lo bay asisti e team reconstructor na momento cu e suministronan aki yega. Cu esaki nan ta pone e base pa futuro trabaonan di reconstruccion structural.