Hulanda ta haya anochinan hopi frieuw di -15 grado

Hulanda lo conoce anochinan hopi frieuw cu ta jega te na e punto di vries. Localmente e temperatura lo por baha te na -15 grado Celcius. E frieuw aki ta trece cune cu tin gran posibilidad pa schaats. Cu e temperatura por jega te asina abao bao di cero, tin di haber cu e cantidad di sneeuw cu a cai ayera’nochi. El a keda manera un “deken” riba e matanan. Tabatin lugarnan cu e laag di sneeuw tabata menos y esaki a desaparece caba y esaki tambe kiermen cu e lugarnan aki lo ta menos frieuw y lo no vries asina lihe. Den transcurso di awenochi, e nubianan lo bai kita pero si e biento lo sigui supla un tiki duro. Esaki ta juda pa e temperaturanan baha na nivelnan aki y bai haci hopi frieuw. “E ultimo biaha cu temperaturanan registra a baha bao di -13 grad o Celcius tabata den luna di Januari pa Maart den 2013. Esey ta seis aña pasa caba”, asina Meteoroloog, Ben Lankamo a declara. Apesar cu temperaturanan abao aki ta bon pa esnan cu kier schaats, no t’asina. E no ta suficiente pa crea un laag di ijs fuerte suficiente pa hende schaats ariba y lo tarda hopi pa esaki wordo crea tambe. Sinembargo por tin schaatsmento na lugarnan spesifico pero no na otro lugarnan manera un simpel plas di awa banda di cas, por ehempel.

Comments

comments