AMSTERDAM/TEL AVIV- E cantante Hulandes, Duncan Laurence a gana e Song Festival Eurovision cu su cancion Arcade.
Desde un principio e tabata un di e gran faboritonan pa gana e concurso, y el yega e final como un di e lidernan cu 492 punto, despues di votacion popular.
Laurence a bisa: “Esaki ta pa tur e gran soñonan, esaki ta pa musica prome, y semper”.
Ultimo biaha Hulanda a gana Eurovision tabata na 1975. E publico a join Laurence na momento cu esaki a canta su cantica un biaha mas na final di e show.
Italia a keda na di 2 luga cu 465 y Rusia na di tes cu 369 punto.
E ceremonia a inclui tambe presentación di ganado di aña pasa, Netta cu cantantenan for di concursonan anterior a canta canticanan di otro.
Madonna tambe a haci un presntacion prome cu e resultadonan final a keda anuncia. El a cuminsa su presentación cu’n verios di Like A Prayer, mientras cu su bailarinnan tabata bisti na monhe.
Durante e presentación en vivo di e concurso, dos di Madonna su bailarinnan brevemente a mustra bandernan di Israel y di Palesstina na e parti patras di nan vestuario.
“E pida aki di e presentación no tabata parti di e training cual a wordo aproba door di e organisadornan. E concurso di Eurovision ta un evento a politico y Madonna a wordo debidamente informa di esaki.
Durante e concurso, tabata tin protestanan den centro di Jeruzalem ora cu Hudiunan ultro Ortodoxnan tabata protesta contra di e concurso.
Nan tabata protesta cu e evento ta tuma luga ariba un Sabbath Hudiu, cual a resulta den choquenan entre polis y demostrantenan.