E autoridadnan Hulandes por prohibi e funcionarionan gubernamental uza Facebook pa duda serio riba su cumplimento cu e ley nacional di proteccion di dato, e secretario di estado pa digitalisacion di Hulanda, Alexandra van Huffelen a afirma dialuna, cita p’e medionan local.
Di acuerdo cu e funcionario, ya na 2017 e organismo regulador a descubri cu e red social a viola e ley encuanto brinda informacion n’e usuarionan y procesa dato confidencial. “E ora, Meta a haci ahuste,” pero no a resolve e problema, Van Huffelen a señala, añadiendo cu despues di e acusacionnan di Alemania y Noruega, Amsterdam a cuminsa cu un investigacion riba e riesgonan di privacidad relaciona cu e uzo di Facebook.
Entre otro detaye, e funcionario a declara cu e red social ta rechasa e iregularidadnan haya durante e investigacion, “pa cual ta necesario pidi e regulador p’e aclara.” No obstante, el a manifesta cu “si e regulador evalua cu efectivamente tin riesgo halto p’e proceso di dato y esakinan no ta elimina pa Meta, lo mester pone fin n’e uzo di e paginanan di Facebook di parti di e gobierno central.”
Fuera di esey, Van Huffelen a bisa cu e autoridadnan di Hulanda por aplica e mesun medida riba X (anteriormente conoci como Twitter) si revela cu su uzo ta trece riesgo. Es mas, siman pasa, el a skirbi riba su cuenta di e plataforma di microblog, cu e lo stop di uza e red social aki por completo.