TECNOLOGIA
AMSTERDAM, Hulanda – Un kwart di tur e downloadsitenan ta di servernan Hulandes: solamente Merca ta mas grandi, cu 34%.
Esaki TorrentFreak ta informa basa ariba investigacion di e publicacion anti pirateria di WebSchauder. A haci un investigacion ariba e 5 mil domain name di Google cual a haya mas ‘click’. E search engine ta haya dicho peticionnan pa suprimi e posibilidad di haya sitenan ilegal, ya cu huridicamente ta tuma hopi mas tempo pa pone e sitionan aki ariba inactividad.
Via Leaseweb di Hulanda, segun e investigacion ta indica, ta unda e mas sitionan ilegal ta wordo ofreci: 13,6 procent di tur e sitionan ilegal cu a wordo baha for di Google. Leaseweb ta wordo sigui door di Amazon, cu ta host 7,1 por ciento di tur e sitionan ilegalnan aki.
No tur cifra ta conoci
E NForce Entertainment di Hulanda ta na di 4 luga cu 5,6% di websitenan ilegal, y Snel.com ta cera e top 10 cu 1,4%. Pero asina mes e cifranan ta keda hopi onduidelijk. Asina tameb 41,9% di e domain baha for di Google no ta conoci for di unda e ta wordo gehost.
Hulanda y Merca ta score halto den tipo di sitenan asina, ya cu den e paisnan aki tin nodonan di internet importante y e hosting di tipo di websitenan aki ta relativamente barata. Esaki ta conta tambe pa cifranan di hosting di paginan di pornografia infantil.